منتخبنا بعد خليجي 2006
0 Comments Published by Salawi on Monday, October 02, 2006 at 10/02/2006 07:16:00 pm.
لم يحقق منتخبنا اي انجاز يذكر في بطولة الخليج 2006 في الدوحة ، الفريق فاز فقط على عمان المتواضع و على فريق الكويت الشاب.
التشكيلة ما اعتقد عليها اي غبار، على الرغم من إنة اضافة شخص أو شخصين كان يمكن يحسن قليلا من أداء الفريق، بس آنه احترم جميع اللاعبين إلي مثلونة في هذي البطولة. (يمكنك التصويت للاعبي المنتخب في قسم التصويت)
* البطولات إلي شاركنا فيها في الأربع سنوات الماضية كلها كان مستوانا فيها متواضع و أنة متأكد إذا إحنا تمينه على نفس الإسلوب و شاركنا في عشر بطولات اخرى بعد ما بنسوي شي
* المشكلة إنة فريقنا عنصر الطول فية متواضع بس نلعب بخطط الفرق الطوال، يعني وين راح "البرس" ،السرعة ، الثلاثيات ، الدفاع الصلب الي ما يخلي احد يتنفس في المنطقة
يعني مباريات الكويت و الإمارات الصراحة كان فيها فريقنة سىء جدا ،و ما كان يمتلك اي حجة إنة ما يأدي
* الإتحاد لازم يخلي لروحة سياسة ثابتة، يعني كفاية الوقت و البيزات الي ضيعناها على المجنسين ،وإلي في إعتقادي هذي البطولة أول نتائجها، لازم يعتمد على المجموعة الحالية و يزيد عليها و يحاول يطورها و يحافظ عليها و يزيد من مشاركاتها الخارجية بدل اعدادهم قبل شهر من اي بطولة، ولازم يخلي اللاعبين في المنتخب يفتخرون في اسم البحرين إلي على شروتهم و يحسسهم إنة مهتم فيهم لآخر درجة ، يعني ليش الأفارقة كانو يحصلون و البحرينيين لا، ، كأنهم لاعبين فري فيزا، و طبعا مدير الفريق إلي رافق المنتخب في معسكراتة فشل الإتحاد، المنتخب والبحرين
* المدرب عندة مشكلة في تشكيلتة و تبديلاتة، لازم يحلها بسرعة و ينسى الفرق الي يايه منها اللاعبين و ينسى كلام الجرايد و يركز على الملعب وبس
آنة للحين متفائل في منتخبنة بس الأخطاء الي وقع فيها لازم يتعلم منها الكل، الإتحاد، المدرب و اللاعبين، و انشاء اللة إلى الأمام
0 Responses to “منتخبنا بعد خليجي 2006”
Post a Comment